O‘zbekistonning a’zo bo‘lish jarayoniga ko‘maklashish JST

O'zbekistonning JSTga a'zo bo'lish jarayoniga ko'maklashish

O'zbekistonning JSTga a'zo bo'lish jarayoniga ko'maklashish loyihasi Jahon savdo tashkilotiga a'zo bo'lish orqali mamlakatning jahon iqtisodiyotiga integratsiyalashuvi to'g'risidagi qarorini qo'llab-quvvatlash orqali O'zbekistonning rivojlanish rejalarini qo'llab-quvvatlash maqsadida tashkil etilgan. Loyiha 2020 yil fevral oyida moliyalashtirish bilan boshlandi Yevropa Ittifoqi va tomonidan amalga oshiriladi xalqaro savdo markazi (ITC). Bu besh yillik muddatga ishlatish uchun o'rnatiladi.

Loyiha haqida batafsil

Kutiladigan natijalar

ITC ishi ishbilarmon doiralar, jumladan, ayollar uyushmalari, JSTga kirish jarayoni va uning afzalliklari haqida xabardorlikni oshiradi

O‘zbekistonda JST qoidalariga, xususan, SPS/TBT va JST savdosiga ko‘maklashish bo‘yicha kelishuvlarga rioya qilish uchun keng imkoniyatlar bo‘ladi

Siyosatchilarning JSTga kirish jarayoni va uning huquqiy asoslari haqidagi tushunchalari mustahkamlanadi

Ijroiya va qonun chiqaruvchi hokimiyat O'zbekistonning yangi xalqaro majburiyatlarini bajarish uchun zarur bo'lgan muayyan tarmoq qonunlari va me'yoriy-huquqiy hujjatlarni ishlab chiqish bo'yicha yaxshiroq ma'lumotga ega bo'ladi

O‘zbekiston hukumati JSTga a’zo bo‘lish jarayoni talablariga muvofiq hujjatlarni tayyorlash va o‘zining muzokaralar pozitsiyasini rivojlantirishga yanada tayyor bo‘ladi

Yangiliklar

08.04.2024 57

XSM O‘zbekiston uchun oziq-ovqat mahsuloti xavfsizligi bo‘yicha yangi qoidalarni ishlab chiqishda erishilgan muhim yutuqlarni qo‘llab-quvvatlaydi

Hukumat mutasadilari va qonun chiqaruvchi organ vakillari Xalqaro Savdo Markazi (XSM) bilan hamkorlikda O‘zbekiston uchun ishlab chiqilgan oziq-ovqat mahsulotlari xavfsizligi to‘g‘risidagi yangi qonun loyihasini ko‘rib chiqib muhokama qilishdi. Yangi qonun loyihasi oziq-ovqat importi xavfsizligini ta’minlaydi, shuningdek, mamlakatning Jahon Savdo Tashkilotiga (JST) a’zo bo‘lish jarayonini osonlashtiradi.Savdoni tartibga soluvchi qoidalarning asosiy ustuvor yo‘nalishi iste’molchilarning farovonligi hisoblanadi. Bu, ayniqsa, oziq-ovqat mahsulotlari savdosida muhim ahamiyatga ega.2023 yilda XSM O‘zbekistonga oziq-ovqat mahsulotlari xavfsizligini tartibga soluvchi muhim qonun hujjatlarini ishlab chiqish va qayta ko‘rib chiqishda ko‘maklashdi. Mamlakat JSTga a’zo bo‘lganda, oziq-ovqat nazorati standartlari va qoidalarini global talablarga muvofiqlashtirish uchun ushbu yangi qonun loyihasini qabul qilishi lozim bo‘ladi.Ushbu jarayonni tezlashtirish maqsadida 29-mart kuni XSM O‘zbekiston Oliy Majlis Qonunchilik palatasi deputati, shuningdek, oziq-ovqat nazorati organlari rahbarlari va texnik mutaxassislari bilan yangi qonun loyihasini ko‘rib chiqish va uning kuchga kirishining oqibatlarini tushunishga yordam berish maqsadida ekspert bilan uchrashuvni tashkil qildi. Ishtirokchilarga oziq-ovqat xavfsizligining zamonaviy tamoyillari haqida ma’lumot berildi.JSTda maxsus qoidalar to‘plami mavjud - Sanitariya va fitosanitariya choralarini qo‘llash to‘g‘risidagi bitim (SPS) - bu a’zo davlatlarga oziq-ovqat xavfsizligini kafolatlash, hayvonlar va o‘simliklar hayoti va sog‘lig‘ini muhofaza qilish choralarini joriy etish huquqini beradi. Shu bilan birga, u bunday choralar haddan tashqari proteksionistik bo‘lmasligi va savdoga to‘sqinlik qilmasligini ta’minlashga intiladi.JSTga a’zo bo‘lgan mamlakatlar oziq-ovqat qonunchiligini SPS kelishuviga muvofiqlashtirishi, shuningdek, tegishli xalqaro standartlarga rioya qilishlari kerak. Ular keng qamrovli standartlarni - maqbul sanitariya-gigiena amaliyotlari va ishlab chiqarish amaliyotlarini nazorat qilishdan tortib, mahsulotni markirovka qilish va iste’molchini xabardor qilishgacha qamrab oladi.Yangi xavf-xatar va tendensiyalarSo‘nggi paytlarda mahalliylashtirish, raqamlashtirish va onlayn xaridlarning kuchayishi kabi yangi tendensiyalar tufayli oziq-ovqat mahsuloti xavfsizligini nazorat qilish yanada murakkablashdi. Shuningdek, u mikroblarga qarshi chidamlilik va iqlim o‘zgarishi kabi yangi xavflarga duch keladi. Bu xavfsizlik nazorati yanada murakkablashganini va takomillashganini anglatadi.25-27 mart kunlari akademiklar/olimlar, oziq-ovqat sanoati vakillari va ushbu sohadagi texnik mutaxassislar uchun oziq-ovqat xavfsizligini boshqarish bo‘yicha so‘nggi amaliyotlar haqida tushunchalarini oshirish maqsadida uch kunlik o‘quv seminari bilan to‘ldirildi.Ishtirokchilar Xavf-xatarlar tahlili va kritik nazorat nuqtalari (Hazard Analysis Critical Control Point (HACCP)) – bugungi kunda ko‘pchilik mamlakatlarda qo‘llanilayotgan oziq-ovqat xavfsizligini nazorat qilish HACCP tizimi haqida bilib oldilar. HACCP xavflarni aniqlash va nazorat qilish orqali xavfsiz oziq-ovqat ishlab chiqarishni ta’minlaydi. Uning tamoyillari Alimentarius kodeksi (Codex Alimentarius) komissiyasi tomonidan standartlashtirilgan va ko‘plab mamlakatlarda majburiy qonuniy talablarga aylangan.15 ta qisqa moduldan iborat boʻlgan seminarda HACCP tizimining tuzilishi, unga asos boʻlgan yetti tamoyil va texnik jarayonlar yoritilgan. Mutaxassislar qoidalar kuchga kirganidan so‘ng ularni qo‘llash uchun zarur bo‘lgan bilimlarni oldilar. Akademiklarning ishtiroki bu bilimlarning savdo huquqi va amaliyoti o‘quv dasturlariga kiritilishini va universitet darajasida tizimli institutsional bilimlarni ishlab chiqishga yordam berishini anglatadi.Seminarning ikkinchi bosqichi oziq-ovqat xavfsizligini davlat tomonidan nazorat qilishda xavf-xatarga asoslangan yondashuvga qaratildi.Ishlab chiqish jarayonidagi qonun loyihalariOziq-ovqat mahsulotlari sifatini nazorat qilish choralarini JST talablariga muvofiqlashtirish yo‘lida O‘zbekiston XSM yordamida yana boshqa asosiy qonun hujjatlarini ishlab chiqmoqda.Xususan, JSTning shaffoflik tamoyilini qo‘llab-quvvatlash maqsadida O‘zbekiston JSTga a’zo bo‘lganidan keyin hayvonlar va o‘simliklar salomatligi xavfsizligi bo‘yicha boshqa mamlakatlardan kelib tushgan so‘rovlarni qayta ishlash tuzilmalarini yaratish bo‘yicha qonunchilik ustida ishlamoqda. Ushbu tuzilmalar SFS bo‘yicha Milliy xabar berish vakolatli organi va Milliy axborot almashish markazi deb ataladi.Bundan tashqari, hayvonlar va o‘simliklar salomatligini muhofaza qilish bo‘yicha JSTning asosiy hujjatlari o‘zbek tiliga tarjima qilingan. Ular mamlakatning xalqaro SFS standartlari va qoidalariga muvofiqligini tasdiqlovchi hujjatlar bo‘lib xizmat qiladi, shuningdek, SFS texnik terminologiyasini milliy tilda standartlashtirishga yordam beradi.XSM tomonidan muvofiqlashtirilgan ko‘mak Yevropa Ittifoqi tomonidan “O‘zbekistonning JSTga a’zo bo‘lish jarayoniga ko‘maklashish” loyihasi doirasida moliyalashtirildi. Ushbu besh yillik tashabbus O‘zbekistonning muzokaralar jarayonini qo‘llab-quvvatlash va JST kelishuvlarini amalga oshirish bo‘yicha texnik ko‘nikmalarni rivojlantirishga qaratilgan.

05.04.2024 69

O‘zbekistonlik hukumat vakillari va talabalar savdoni himoya qilish choralari bo‘yicha bilimlarini oshirmoqda

Texnik mutaxassislar va talabalar Xalqaro Savdo Markazi (XSM) va Toshkent universiteti hamkorligida tashkil etilgan treningda savdoda himoya choralari ustida ish boshlash, tekshirish va qo‘llashni o‘rgandilar.Mamlakatlar JSTga ochiq savdoning foydasi uning xavf-xatarlaridan ko‘proq ekanligidan xabardor bo‘lgan holda a’zo bo‘lishadi.Biroq, import mahalliy sanoatga zarar yetkazishi mumkin. Zarar adolatsiz savdo amaliyoti yoki importning keskin ko‘payishi oqibatida yuzaga kelgan hollarda, JST a’zolarga savdoni himoya qilish choralari orqali o‘z tarmoqlarini qo‘llab-quvvatlashga imkon beradi.Bu choralar mahalliy ishlab chiqaruvchilar manfaatlarini himoya qilib, adolatsiz raqobatdan saqlaydi va yangi ishlab chiqarish tarmoqlarini rivojlantirishga xizmat qiladi.XSM 26-27 mart kunlari ikki kunlik intensiv kursni tashkil qildi, undan soʻng JSTga aʼzo boʻlish boʻyicha muzokaralar guruhi aʼzolari bilan ikki kunlik texnik munozaralar boʻlib oʻtdi. Ushbu tadbiralrda ishtirokchilar savdoni himoya qilish choralari boʻyicha xabardor etildi.Trening XSM tomonidan tashkil etilgan Savdo siyosati boʻyicha oʻquv dasturining beshinchi kursi boʻldi. Bu JSTga a’zo bo‘lishga intilayotgan O‘zbekistonga JST mavzulari bo‘yicha chuqur bilimlar berish yoʻlida olib borilayotgan sa’y-harakatlarning bir qismidir.Adolatsiz savdo yoki yangi mahalliy sanoat tarmoqlarini himoya qilishSavdodagi himoya choralari hukumatlar tomonidan uchta mumkin bo‘lgan holatda importga nisbatan qo‘llanilishi mumkin.Birinchi ikki holat mahalliy ishlab chiqaruvchilarga zarar yetkazadigan adolatsiz savdo amaliyotlarini o‘z ichiga oladi. Agar import demping yoki subsidiyalangan bo‘lsa va raqobat qilayotgan mahalliy ishlab chiqarish tarmoqlariga zarar yetkazsa, tegishli ravishda antidemping va kompensatsiya choralari qo‘llanilishi mumkin.Savdoni himoya qilishning uchinchi toifasi - mahalliy sanoatga jiddiy zarar yetkazadigan yoki keltirishi mumkin bo‘lgan import qilinadigan tovarlar sonining keskin ko‘payishi bilan bog‘liq. Bunday holda, zarar adolatsiz savdo amaliyotiga bog‘liq emas. Aksincha, savdoda himoya qilish choralarini joriy etish orqali mahalliy sanoatni barqarorlashtirish uchun qo‘llaniladigan favqulodda choralardir.Shunday qilib, O‘zbekistonda savdoni himoya qilish sohasida mustahkam salohiyatini shakllantirish mamlakatning savdo manfaatlarini himoya qilish va adolatli raqobatni ta’minlash uchun muhim ahamiyatga ega.Trening davomida ishtirokchilar himoya choralarini tartibga soluvchi uchta bitim bilan tanishdilar. Ular demping, subsidiya va zarar marjalarini hisoblashda qoʻllaniladigan formulalar va ularni qanday qo‘llash haqida bilib oldilar. Nazariy bilimlar bir nechta amaliy misollar bilan tasvirlab berildi va real hayot senariylarini simulyatsiya qilish orqali amaliy tajriba to‘plandi.Trening JIDU binosida va onlayn tarzda o‘tkazildi.20 nafar ishtirokchining aksariyati savdoni himoya qilish choralari qo‘llash bo‘yicha yangi organlar faoliyati uchun mas’ul bo‘lgan texnik mutaxassislar edi. Yevropa Ittifoqi tomonidan moliyalashtirilgan “O‘zbekistonning JSTga a’zo bo‘lish jarayoniga ko‘maklashish” loyihasi doirasida taskil etilgan treningdan JIDU talabalari ham manfaatdor bo‘ldi.

20.03.2024 107

Oʻzbekiston muzokarachilari qishloq xoʻjaligi sohasidagi JST qoidalari boʻyicha oʻz malakalarini oshirmoqda

Savdo siyosati dasturining toʻrtinchi kursi Oʻzbekistonning qishloq xoʻjaligi sohasida JST qoidalariga rioya qilish salohiyatini oshirishga yordam berdi. U Xalqaro Savdo Markazi (XSM) va Toshkentdagi Jahon iqtisodiyoti va diplomatiya universiteti (JIDU) tomonidan tashkil etildi.Qishloq xoʻjaligi mamlakatlar uchun asosiy tarmoq hisoblanadi, chunki u milliy oziq-ovqat xavfsizligiga ta’sir qiladi. Bundan tashqari, rivojlanayotgan mamlakatlarda ushbu tarmoq asosiy ish beruvchi hisoblanadi. Oʻzbekistonda u mehnatga layoqatli aholining 28 foizini ish bilan taʼminlaydi. BMTning Oziq-ovqat va qishloq xoʻjaligi tashkiloti (FAO) ma’lumotlariga koʻra bu soha yalpi ichki mahsulotning 25 foizini tashkil etadi.Shu nuqtai nazardan, Oʻzbekiston JSTga a’zo boʻlish boʻyicha muzokaralarni qishloq xoʻjaligi manfaatlarini himoya qiladigan shartlar asosida olib borishi juda muhim.Ushbu munosabat bilan XSM va JIDU Oʻzbekiston savdo muzokaralari ishtirokchilarining malakasini oshirish uchun qishloq xoʻjaligi masalalari boʻyicha JST qoidalariga bagʻishlangan kurs tashkil etdi.Kursda qishloq xoʻjaligi mahsulotlariga xos boʻlgan tariflar va chegara choralari, shu jumladan, mavsumiy bojlar va tarif kvotalari haqida soʻz yuritildi.Qishloq xoʻjaligi sohasida subsidiyalarDavlat tomonidan koʻrsatiladigan koʻmak muhim mavzulardan biri boʻldi. Subsidiyalar qishloq xoʻjaligi savdosini tartibga soluvchi qoidalarning asosiy mavzularidan biridir. Ular global bozorlarga salbiy ta’sir koʻrsatishi mumkin, chunki qoʻllab-quvvatlanmaydigan savdogarlar uchun adolatsiz ustunlik yaratadi. Bu shuni anglatadiki, JST muvozanatni topishga intilayotgani uchun ba’zi subsidiyalar joiz, boshqalari esa taqiqlanadi. Ishtirokchilar ushbu subsidiyalar “yashil, qahrabo va koʻk” kabi toifalarga qanday boʻlinishi haqida ma’lumot oldilar.Ular rivojlanayotgan mamlakatlarda qoʻllanilishi ruxsat etilgan subsidiyalar, masalan, kam daromadli fermerlar uchun subsidiyalar va qishloq xoʻjaligiga investitsiyalar haqida ma’lumot ega boʻldilar.Seminarda qoidalarning amaliy samarasini koʻrsatish uchun qishloq xoʻjaligi masalalari boʻyicha amaliy tadqiqotlar va JST bahslaridan keng foydalanildi, shuningdek, Xitoy, Qozogʻiston, Makedoniya va Moldova davlatlarining JSTga aʼzo boʻlganidan keyingi tajribalari yoritib berildi.Seminarda 35 nafar mutasadi, jumladan, muzokaralar jamoasining 12 nafar vakili ishtirok etdi: Moliya va iqtisodiyot vazirligi, Investitsiyalar, sanoat va savdo vazirligi, Qishloq xo‘jaligi vazirligi, Adliya vazirligi, Karantin va o‘simliklarni muhofaza qilish agentligi, Raqobatni rivojlantirish qo‘mitasi va iste’molchilar huquqlarini himoya qilish va boshqalar. Ushbu treningda JIDU talabalari shular jumlasidandir.Seminar Yevropa Ittifoqining moliyaviy ko‘magida “O‘zbekistonning JSTga a’zo bo‘lish jarayoniga ko‘maklashish” loyihasi doirasida tashkil etildi.

08.02.2024 138

Mutasadilar uchun JST bo‘yicha muhim o‘quv dasturi ish boshladi

Toshkentdagi Jahon iqtisodiyoti va diplomatiya universiteti (JIDU) davlat mutasadilari uchun savdo siyosati bo‘yicha kompleks o‘quv dasturini taqdim etadi. Dasturning maqsadi O‘zbekistonning tashqi savdo sohasida uzoq muddatli institutsional salohiyatini oshirishdan iborat.2024-yil 27-yanvarda JIDU Xalqaro savdo markazi (XSM) bilan birgalikda Jahon savdo tashkiloti (JST) bilan bog‘liq mavzular bo‘yicha 11 kursdan iborat o‘quv dasturini ishga tushirdi. JIDU professorlari bilan bir qatorda xalqaro savdo ekspertlari tomonidan o‘qitiladigan dastur O‘zbekistondagi muzokarachilar, hukumat vakillari va boshqa mutasadilar uchun mo‘ljallangan. O‘quv mashg‘ulotlari keyingi to‘rt oy davomida bo‘lib o‘tadi va JST masalalarini har tomonlama tushunish imkonini beradi.Mamlakatning JSTga a’zo bo‘lish jarayonida milliy siyosat va qonunchilikni JST talablariga muvofiqlashtirish bo‘yicha institutsional salohiyatni oshirish ko‘p tomonlama savdo tizimiga qo‘shilishdan manfaat olishda muhim ahamiyatga ega. Dastur JSTning savdo sohasidagi murakkab masalalari bo‘yicha bilimlarni oshirish imkonini beradi.JIDU ushbu vazifani amalga oshirish uchun to‘liq ta’minlangan2022-yilda Berndagi mashhur Jahon savdo instituti (WTI) Yevropa Ittifoqining moliyaviy koʻmagida talabalar uchun JST huquqi va amaliyoti boʻyicha JIDU uchun maxsus kurs ishlab chiqdi. Institut kelajakda ushbu kursdan dars berishlari uchun JIDU o‘qituvchilarini intensiv treninglar orqali malakasini oshirdi.Shunday qilib, JIDUda savdo siyosati mutaxassislarining yangi avlodi uchun akademik poydevor yaratish uchun zarur bo‘lgan barcha sharoitlar mavjud.Dastur Oʻzbekistonning JSTga aʼzo boʻlishida muhim voqea boʻldi, dedi Yevropa Ittifoqining Oʻzbekistondagi delegatsiyasining Ma’sul vakili Tomas Ue ochilish marosimida.Janob Uening ta'kidlashicha, global savdoning tobora murakkablashib borayotgan texnologik taraqqiyot davrida "salohiyatni doimiy oshirish juda muhim".Savdo bo‘yicha faxriy mutaxassis birinchi darslarni o‘tkazdiKing&Spalding yuridik firmasining katta maslahatchisi Hamid Mamduh tomonidan taqdim etilgan kurslarning dastlabki ikki kunida 40 ga yaqin tinglovchilar qatnashdi. Birinchi kun diskriminatsiyaga yo‘l qo‘ymaslikning asosiy tamoyillariga (eng ko‘p qulaylik va milliy rejim) va JSTning asosiy bitimlariga bag‘ishlandi. Kursda JST savdosining uchta keng qamrovli yo‘nalishi: tovarlar, xizmatlar va intellektual mulk bo‘yicha bitimlar haqida qisqacha ma’lumot berildi. Kurs, shuningdek, nizolarni hal qilish va hukumatning tashqi savdo siyosatini ko‘rib chiqishni o‘z ichiga oldi.28 yanvar kuni xizmatlar savdosi (GATS) asoslari va savdo bilan bog‘liq investitsiya choralari (TRIMS) masalalari muhokama qilindi.Seminarda muvaffaqiyatli islohotlarni ta’minlash va O‘zbekistonning JSTga a’zo bo‘lishiga ko‘maklashish bo‘yicha hamkorlikni mustahkamlash masalalari muhokama qilindi.Ushbu kurs nafaqat mutasadilar uchun foydali bo‘ladi. JIDU fakulteti dekani hamda JST huquqi dasturi professori Umid Yakubkhodjaev turli kurslar mustaqil ekspertlar uchun ham ochiq bo‘lishini ta’kidladi.Loyiha haqidaXSM Yevropa Ittifoqining “Oʻzbekistonning JSTga aʼzo boʻlish jarayoniga koʻmaklashish” loyihasini amalga oshiruvchi hamkori hisoblanadi. Ushbu tashabbus O‘zbekistonning JSTga a’zo bo‘lish bo‘yicha muzokaralariga ko‘maklashadi va uning qoidalarini amalga oshirish ko‘nikmalarini rivojlantirishga yordam beradi. Loyihaning maqsadi mamlakat iqtisodiy rivojlanishiga hissa qo‘shishdan iboratdir.

26.02.2024 110

Oʻzbekistonning bozorga kirish jarayonidagi muzokaralar salohiyatini oshirish boʻyicha seminarlar tashkil etildi

2024-yil 9-fevralda o‘tkazilgan bir kunlik o‘quv kursi savdo muzokaralari ishtirokchilari va mutasadilarning JST Kotibiyati ekspertlari yordamida JST doirasida bozorga kirish masalalari bo‘yicha malakalarini oshirishga zamin yaratdi.O‘quv seminari Oʻzbekistonning JSTga aʼzo boʻlishini qoʻllab-quvvatlash maqsadida uzoq muddatli institutsional savdo salohiyatini ragʻbatlantirish uchun XSM bilan birgalikda savdo muzokaralari ishtirokchilari va mutasadilar uchun 2024-yil yanvar oyida tashkil etilgan “Savdo siyosati boʻyicha oʻquv kursi 2024” dasturining bir qismidir. Dastur XSM tomonidan Toshkent shahridagi Jahon Iqtisodiyoti da Diplomatiya Universiteti (JIDU) bilan hamkorlikda ishlab chiqilgan va universitet binosida o‘tkazilmoqda.JST Kotibiyati savdo sohasidagi ushbu oʻquv kursini amalga oshirishda “JST kafedralari” dasturi (“WTO Chairs Programme”) orqali XSM bilan hamkorlik qilmoqda. O‘tgan hafta dasturning uchinchi kursi bo‘lib o‘tdi, uni JST Kotibiyatining Bozorga kirish bo‘limining uchta mutaxassisi olib bordi. Janob Roy Santana bozorga kirish va tarif bo‘yicha muzokaralar modulini taqdim etdi, janob Saymon Neumuller tarifsiz choralar va miqdoriy cheklovlarni ko‘rib chiqdi, Irina Tarasenko xonim importni litsenziyalash tartib-qoidalari haqida tushuncha berdi.JIDU fakulteti dekani janob Umid Yakubkhodjaev JST doirasida bozorga kirish bo‘yicha muhokamalarda faol ishtirok etib, O‘zbekiston iqtisodiyotining o‘ziga xos jihatlarini batafsil ochib berdi.JST kafedralari dasturi doirasidagi hamkorlikJST Kotibiyati mutaxassislarining ishtiroki rivojlanayotgan mamlakatlardagi ilmiy xodimlar va mutasadilarining global savdo tizimi haqidagi bilim va tushunchalarini oshirish maqsadida 2010 yilda JST tomonidan tashkil etilgan “JST kafedralari” dasturi (“WTO Chairs Programme”) doirasida tashkil etildi. JIDU ushbu dasturga 2022 yilda a’zo bo‘lgan.JST ekspertlari ushbu oʻquv kursi ishtirokchilari uchun Jenevadan onlayn taqdimotlar o‘tkazdilar.Dasturning dastlabki ikki kursi JSTning tovarlar va xizmatlar savdosi, intellektual mulk va nizolarni hal etish sohalaridagi asoslarga bag‘ishlangan bo‘lsa, uchinchi kursda tovar bozorlariga kirishning asosiy jihatlari yoritildi. Bozorga kirish JSTga a’zo bo‘lish bo‘yicha muzokaralarning asoslaridan biri hisoblanadi, chunki u jahon savdo tizimiga qo‘shilgandan so‘ng mamlakatga kirib keladigan importga qo‘yiladigan shartlarni belgilaydi. Shuning uchun muzokarachilar va boshqa tegishli hukumat mutasadilari bozorga kirishning ko‘plab tushunchalari bilan tanish bo‘lishi juda muhimdir.Kursda 35 ga yaqin mutaxassislar, jumladan Oʻzbekiston muzokara jamoasi aʼzolari, Investitsiyalar, sanoat va savdo vazirligi, Qishloq xoʻjaligi vazirligi, Texnik jihatdan tartibga solish agentligi, Davlat aktivlarini boshqarish agentligi, O‘simliklar karantini va himoyasi agentligi, Sanitariya-epidemiologik osoyishtalik va jamoat salomatligi qoʻmitasi, shuningdek, boshqa muassasa vakillari, hamda JIDU talabalari ishtirok etdi.Ishtirokchilarning fikr-mulohazalari: “Oʻquv seminari JST doirasida bozorga kirish bo‘yicha muhim ma’lumotlarni taqdim etib, muzokaralar olib borish ko‘nikmalarimizni oshirdi. A’zo boʻlish bo‘yicha samarali muzokaralar olib borish uchun tarif va notarif choralari, xususan miqdoriy cheklovlar va boshqa muhim elementlar haqida batafsil ma’lumot oldik”.Shu bilan bir qatorda, ishtirokchilar me’yoriy-huquqiy bazani tushunish va savdo operatsiyalarini soddalashtirish uchun muhim ahamiyatga ega bo‘lgan importni litsenziyalash tartib-qoidalaridan xabardor bo‘lishdi.O‘quv kursi XSM tomonidan Yevropa Ittifoqining moliyaviy ko‘magida “O‘zbekistonning JSTga a’zo bo‘lish jarayoniga ko‘maklashish” loyihasi doirasida tashkil etildi.Dastur haqida qoʻshimcha maʼlumotni quyidagi havola orqali olishingiz mumkin: https://intracen.org/news-and-events/news/landmark-wto-training-programme-launches-for-uzbek-policymakers

08.02.2024 212

Oʻzbekiston hukumati vakillari Jahon savdo instituti Qishki аkademiyasining 2024 yilgi oʻquv kurslarida savdo sohasidagi tajribalarini oshirmoqda

2024-yilning yanvar va fevral oylarida Jahon savdo institutining Qishki аkademiyasida olti nafar hukumat vakili, jumladan Oʻzbekistonning JSTga a’zo boʻlish boʻyicha muzokara jamoasi a’zolari, malaka oshirmoqda. Qishki аkademiya kurslari savdo va investitsiya huquqi va siyosatining dolzarb masalalarini qamrab oladi.Xalqaro savdo markazi (XSM) Oʻzbekistonning JST doirasidagi koʻp tomonlama savdo tizimiga qoʻshilishi munosabati bilan hukumat vakillarining JST toʻgʻrisida chuqur bilimga ega boʻlishlari uchun Qishki аkademiya kurslarida ishtirok etishini tashkil etdi.Barcha ishtirokchilar oʻz muassasalarida muhim lavozimlarni egallaydilar. Ulardan ikki nafari, shuningdek, JST talablariga muvofiq savdoni himoya qilish choralari qonunchiligini ishlab chiqishda ishtirok etmoqda.Kurs ishtirokchilari Oʻzbekiston Respublikasi Investitsiyalar, sanoat va savdo vazirligi, Raqobatni rivojlantirish va iste’molchilar huquqlarini himoya qilish qoʻmitasi, Bojxona qoʻmitasi va Oʻzbekiston Davlat aktivlarini boshqarish agentligi vakillaridir.Oʻquv kurslari ishtirokchilarning ish faoliyati va majburiyatlariga uygʻun boʻlib, Chegara choralari va savdo chora-tadbirlarini soddalashtirish boʻyicha JST huquqi; Dempingga qarshi va himoya choralari boʻyicha JST huquqi; Subsidiyalar va kompensatsiya choralari boʻyicha JST huquqi; hamda Xizmatlar savdosi va siyosati huquqi kabi sohalarni qamrab oladi.Turli savdo sohasidagi mutaxassislar uzoq muddatdan beri global savdo va investitsiyalar sohasida siyosatchilar va amaliyotchilarni tayyorlash uchun eng yaxshi platformalardan biri sifatida tan olingan Berndagi nufuzli Jahon savdo institutida kurslar tashkil qilib kelmoqdalar.Bu ishtirokchilarga boshqa mamlakatlardagi hamkorlar bilan muloqot qilish, shuningdek, savdoni himoya qilish vositalari, bozorga kirish va xizmatlar savdosi sohalarida eng yaxshi savdo ekspertlari va amaliyotchilari bilan aloqalarni oʻrnatish imkonini beradi. Yevropa ittifoqi (YEI) Xalqaro savdo markazi (XSM) tomonidan amalga oshirilayotgan “Oʻzbekistonning JSTga a’zo boʻlish jarayoniga koʻmaklashish” loyihasi doirasida mansabdor shaxslarning oʻquv kurslaridagi ishtirokini moliyalashtirdi.

11.08.2023 185

Oʻzbekiston tadbirkorlari JSTning qishloq xoʻjaligi boʻyicha qoidalari bilan tanishdi

Oʻzbekiston Jahon Savdo Tashkilotiga (JST) a’zo boʻlishga tayyorlanar ekan, tadbirkorlar qishloq xoʻjaligi mahsulotlari sohasidagi xalqaro savdo qoidalarini oʻrganmoqda.Oʻzbekiston yalpi ichki mahsulotining toʻrtdan bir qismini qishloq xoʻjaligi tashkil etadi va ishchi kuchining 27 foizini bandlik bilan ta’minlaydi. BMTning Oziq-ovqat va qishloq xoʻjaligi tashkiloti (FAO) ma’lumotlariga koʻra, bu boshqa tarmoqlarga qaraganda ancha yuqori koʻrsatkich boʻlib, qishloq xoʻjaligini qashshoqlik va tengsizlikni kamaytirishning eng samarali harakatlantiruvchi kuchga aylantiradi.Oʻzbekiston ma’lum qoidalarga asoslangan jahon iqtisodiyotiga qoʻshilgach, bu yanada dolzarb boʻlishi mumkin.Xalqaro savdo markazi (XSM) tomonidan tashkil etilgan treninglarda mamlakatning barcha viloyatlaridagi qishloq xoʻjaligi mahsulotlari ishlab chiqaruvchilari ishtirok etdi. 2023 yilning yanvar oyida Qoraqalpog‘iston Respublikasi, Qashqadaryo, Xorazm va Samarqand viloyatlarida seminar-treninglar boʻlib oʻtdi. 2023 yilning iyun va iyul oylarida esa Andijon, Buxoro, Jizzax, Farg‘ona, Namangan, Navoiy, Sirdaryo, Surxondaryo va Toshkent viloyatlarida yana toʻqqizta seminar tashkil etildi.Qishloq xoʻjaligi oziq-ovqat xavfsizligini ta’minlash imkoniyatlariga bevosita ta’sir qilganligi sababli mamlakatlar oʻz tarmoqlarini himoya qilishga yoki qoʻllab-quvvatlashga harakat qiladi.Shuni inobatga olgan holda treningda JSTning import tariflariga yondashuvi tushuntirib berildi. Shu jumladan vaqt oʻtishi bilan sotiladigan tovarlar narxini pasaytirish uchun ushbu bojlarni cheklab qoʻyish va asta-sekin pasaytirish choralari izohlab berildi. JST qoidalari, shuningdek, ba’zi mamlakatlarni boshqalardan ustun qoʻymasdan, tariflarning adolatli qoʻllanilishini ta’minlaydi.Qishloq xoʻjaligi subsidiyalari "qutilari" tushuntirib berildiJSTning murakkab subsidiya toifalari ham ochib berildi. Yashil quti, qahrabo quti va moviy quti deb ataladigan quti toifalari qaysi subsidiyalarga ruxsat berilganligini koʻrsatadi.Maxsus va differentsial tariflar tushuntirib berildi. Ushbu tamoyilga koʻra, rivojlanayotgan mamlakatlarning oʻtish davri yumshoqroq kechishi uchun rivojlangan mamlakatlarga nisbatan tariflarni pasaytirishning yengilroq rejimlariga ega. Bu bojlarning oʻzgarishlarga ta’sirchanligi tufayli ularning yuqoriroq darajalarini saqlab turish imkonini beradi.Seminarlarda qishloq xoʻjaligi ishlab chiqaruvchi va eksport qiluvchi korxonalardan aksariyati rahbariyat yoki directorlar kengashi darajasida boʻlgan 191 nafar ishtirokchi qatnashdi. Shuningdek, tegishli davlat tashkilotlaridan yana 89 nafar mansabdor shaxs ishtirok etdi.Loyiha haqidaYevropa Ittifoqi tomonidan moliyalashtiriladigan   XSMning “O‘zbekistonning JSTga a’zo bo‘lish jarayoniga ko‘maklashish” loyihasi doirasida tashkil etildi. Besh yillik tashabbus Oʻzbekistonning JSTga aʼzo boʻlish jarayoni orqali iqtisodiyotini modernizatsiya qilish boʻyicha rivojlanish rejalarini qoʻllab-quvvatlashga qaratilgan. Loyihaning asosiy yoʻnalishlaridan biri xususiy sektor, jumladan, ayollar biznes uyushmalarining, JSTga a’zo boʻlishning ular faoliyatiga taʼsiri va samarasi haqida yetarlicha ma’lumot olishlarini ta’minlashdan iboratdir.

01.11.2023 336

Seminar JST doirasida bozorga kirish boʻyicha muzokaralarning mohiyatini ochib berdi

Oʻzbekiston bozoriga kirish uchun belgilanadigan shartlar uning Jahon savdo tashkilotiga (JST) a’zo boʻlishining asosini tashkil etadi. Jahon bankining World Integrated Trade Solution ma’lumotlar bazasi ma’lumotlariga koʻra, tovarlar savdosi Oʻzbekiston yalpi ichki mahsulotining 54 foizidan ortig’ini tashkil qiladi. Bu shuni anglatadiki, uning JST doirasida tovarlar sohasida olib borayotgan muzokaralaridagi imtiyoz va majburiyatlar Oʻzbekiston jahon iqtisodiyotiga qoʻshilganidan keyin uning iqtisodiyotini koʻp jihatdan shakllantiradi. Global savdo tizimida xizmatlar va texnologiyaga yoʻnaltirilgan muammolarning eksponensial oʻsishi kuzatilayotgan boʻlsa-da, tovarlarning bozorlarga asosiy kirish imkoniyati mamlakatning JSTning boshqa a’zolari bilan a’zo boʻlish toʻg’risidagi bitimini mustahkamlovchi tayanch boʻlib qolmoqda. Bozorga kirish mamlakatlar JST qoidalariga muvofiq bir-biri bilan savdo qilishga rozi boʻlgan asosiy tamoyillarini qoʻllab-quvvatlaydi. Ushbu asosiy tamoyillarga prognoz qilish imkoniyati, shaffoflik va ba’zi mamlakatlarni boshqalarga nisbatan afzal koʻrmaydigan adolatli raqobat kiradi. Ularning barchasi oʻsishga yoʻnaltirilgan iqtisodiy islohotlarni ilgari surish va shu orqali mamlakat taraqqiyotiga hissa qoʻshishga qaratilgandir. Bozorga kirish uchun markaziy element JSTga a’zo boʻlayotgan mamlakat hukumati tashkilotga a’zo boʻlishdan oldin JSTdagi hamkorlari bilan muzokaralar olib boradigan majburiyatlar jadvali hisoblanadi. Ushbu jadvalda tovarlarni mamlakatga olib kirishda qoʻyiladigan tariflar belgilanadi. Bosh muzokarachining ishtiroki JST boʻyicha muzokaralarning ushbu asosiy jihatini ochib berish uchun XSM Oʻzbekistondagi mansabdor shaxslar va savdo birlashmalari mutaxassislari uchun uch kunlik oʻquv seminarini tashkil qildi. Ushbu seminar 4-6 oktabr kunlari Toshkent shahrida boʻlib oʻtdi va uni Oʻzbekiston Respublikasi Prezidentining JST masalalari boʻyicha maxsus vakili va bosh muzokarachi Azizbek Urunov ochib berdi. Ishtirokchilarga JSTning kelib chiqish tarixi va faoliyati haqida umumiy ma’lumot berildi. Shundan soʻng birinchi ikki kun davomida majburiyatlar jadvali va tovarlarning bozorga kirishini ta’minlash boʻyicha ikki tomonlama muzokaralar olib borish tartibi kabi fundamental masalalar koʻrib chiqildi. Seminarning so’nggi kuni gibrid formatda boʻlib oʻtdi, bu esa tomonlarning, jumladan, Tojikiston va Qozog’istonning asosiy vakillarining masofadan turib ishtirok etishiga imkon yaratib berdi. Ular oʻz mamlakatlarining bozorga kirish boʻyicha muzokaralar xususidagi tajribasi va muayyan muammolarni hal qilish boʻyicha qimmatli amaliy maslahatlar berdilar. Seminarda JST vakillari ham ishtirok etdilar va Oʻzbekistonning JSTga a’zo boʻlish jarayonining holati haqida soʻnggi ma’lumotlarni berdilar. Seminarda Prezident Administratsiyasi, Investitsiyalar, sanoat va savdo; Adliya; Iqtisodiyot va moliya; Qishloq xoʻjaligi vazirliklari, Bojxona qoʻmitasi, Raqobatni rivojlantirish va iste’molchilar huquqlarini himoya qilish qoʻmitasi kabi tegishli davlat idoralari vakillari, shuningdek asosiy sanoat birlashmalari vakillari ham ishtirok etdilar. Seminar Yevropa Ittifoqi tomonidan “Oʻzbekistonning JSTga a’zo boʻlish jarayoniga koʻmaklashish” loyihasi doirasida moliyalashtirildi.

03.11.2023 310

Oʻzbekistonning JSTga a’zo boʻlishi yoʻlida standartlar boʻyicha maxsus bilimlar haqida ma’lumot berildi

Texnik mutaxassislar uchun moʻljallangan maxsus seminarlar turkumi xalqaro standartlarni qabul qilish uchun muhim boʻlgan bilimlarni shakllantirishga yordam berdi. Xalqaro standartlar global savdo ishtirokchilari uchun muhim koʻrsatkichdir. Tegishli xalqaro tashkilotlar tomonidan joriy etiladigan bu standartlar mahsulotlarning xavfsizligi va sifatini ta’minlaydi va yanada samarali va tejamkor amaliyotlarni rivojlantirishga yordam beradi. Jahon miqyosida xalqaro standartlar qanchalik koʻp qoʻllanilsa va tan olinsa, ular keraksiz transchegaraviy qoidalar yukini kamaytirishga shunchalik koʻp yordam beradi. Bundan tashqari, agar mamlakat ularga amal qilsa, uning ishlab chiqaruvchilari jahon bozorlarida savdo qilishlari mumkin boʻladi. Texnik reglamentlar sohasida JST a’zolari Savdodagi texnik toʻsiqlar (STT) kelishuvi doirasidagi qoidalar va talablarga rioya qilish majburiyatini oladilar. Bu shuni anglatadiki, Oʻzbekiston JSTga a’zo boʻlgach, u amalda jahon texnik standartlariga rioya qilishi kerak boʻladi. Ixtisoslashtirilgan seminarlar turkumi 2023 yilning iyul-oktabr oylari orasida XSM Oʻzbekistondagi shu kabi masalalar bilan shug’ullanuvchi tegishli idoralarning texnik bilim va malakalarini rivojlantirish boʻyicha bir qator seminarlar oʻtkazdi. Sohaning asosiy jihatlarini qamrab oluvchi beshta modul taklif qilindi. Birinchi modulda turli xalqaro standartlar va ularning qoʻllanish doirasi koʻrib chiqildi, soʻngra esa standartlarning afzalliklari va ular Birlashgan millatlar tashkilotining Barqaror rivojlanish maqsadlariga qanday erishish mumkinligi borasida modul muhokama qilindi. Uchinchi modul Yevropa standartlashtirish tizimiga bag’ishlandi, chunki Yevropa Ittifoqi Oʻzbekistonning muhim savdo hamkori hisoblanadi. Toʻrtinchi modulda xalqaro standartlarni qabul qilish jarayoni ochib berildi. Va oxirgi modulda standartlarni ishlab chiqishdagi ilg’or tajribalar va milliy standartlashtirish organlarini moliyalashtirish masalalari koʻrib chiqildi. Milliy standartlashtirish organlari milliy standartlarni ishlab chiqadigan agentlik hisoblanadilar. Jahon savdo tashkilotiga a’zo davlatlar standartlashtirish boʻyicha xalqaro organlar tomonidan standartlarni belgilash jarayonlarida "oʻz resurslari doirasida toʻliq rol oʻynashi" kutilayotganligi sababli, milliy standartlashtirish organlari mamlakatning ushbu talabini bajarishini ta’minlashga yordam beradi. Biroq, bu organlarning huquqiy maqomi davlatga qarashli boʻlishdan tortib to toʻliq xususiygacha boʻlishi mumkin. Bu ularning daromad modellari ham farqlanishini anglatadi. Treningning soʻnggi bosqichida muayyan misollar tahlilidan foydalanib milliy standartlashtirish organlarining moliyalashtirish modellari ochib berildi va standartlar bilan bog’liq intellektual mulk huquqlari tushuntirildi. Ishtirokchilar, shuningdek, xalqaro standartlarni ishlab chiqishga asos boʻladigan oltita tamoyil bilan tanishdilar va ularning e’tiboriga JST ISO standartlari axborot portali taqdim etildi. Ushbu portalda STT kelishuvining Yaxshi amaliyotlar kodeksining ishtirokchisi boʻlgan barcha standartlashtirish organlarning roʻyxati va ularning faoliyat dasturlari haqida ma’lumotlar keltirilgan. Seminarlar turkumining turli modullarida 300ga yaqin texnik mutaxassislar, jumladan, ularning ba’zilari bir nechta modullarda ishtirok etdi. Seminar oldidan va seminardan keyin oʻtkazilgan soʻrovnoma natijalari ishtirokchilarning xalqaro standartlarni qabul qilish boʻyicha bilimlari 84 foizga yaxshilanganini koʻrsatdi. Trening barcha sohadagi texnik agentliklar, jumladan Texnik jihatdan tartibga solish agentligi, Standartlar instituti va Milliy metrologiya instituti uchun foydali boʻldi. Universitetlar tegishli kafedralarining professor-oʻqituvchilari ham treninglarda qatnashish imkoniga ega boʻldilar. Seminarlar turkumi Yevropa Ittifoqi tomonidan Oʻzbekistonning JSTga a’zo boʻlish jarayoniga koʻmaklashish loyihasi doirasida moliyalashtirildi.

20.11.2023 312

Oʻzbekistonning JSTga a’zo boʻlish yoʻlidagi navbatdagi muhim bosqich

Oʻzbekistonning bosh muzokarachisi janob Azizbek Urunov boshchiligidagi 42 kishidan iborat delegatsiya 2023-yil 16-noyabr kuni Jahon savdo tashkilotida Ishchi guruh (IG)ning 7-yigʻilishida ishtirok etish uchun Jeneva shahriga joʻnab ketdi. Bu Oʻzbekistonning JSTga a’zo boʻlishiga qaratilgan joriy yildagi ikkinchi yigʻilish boʻlib, JSTga a’zo boʻlish yoʻlidagi yangilangan urinishdan dalolat beradi, chunki mamlakat JST doirasida tashkil etilgan koʻp tomonlama savdo tizimiga qoʻshilish niyatiga alohida e’tibor qaratmoqda. 6-IG yigʻilishi 2023 yilning mart oyida boʻlib oʻtgan edi. IG yigʻilishlari JSTga a'zo boʻlish yoʻlidagi asosiy bosqichlardan hisoblanadi. Ushbu yigʻilishlarda a'zo boʻlayotgan davlatlar JSTga a'zo boʻlishga asos boʻladigan savdo siyosati rejimi shartlarini muhokama qiladilar. Muzokaralarning ushbu koʻp tomonlama yoʻli bozorga kirishning ochiqligi darajasini muhokama qilish uchun ikki tomonlama darajada boʻlib oʻtadigan uchrashuvlar bilan qoʻllab-quvvatlanadi. Bozorga kirish boʻyicha majburiyatlar roʻyxati Oʻzbekiston bozoriga import qilinadigan xorijiy tovarlar va xizmatlar uchun shartlarni belgilaydi. Shu tarzda shaffof va prognoz qilinadigan bozor sharoitlari yaratiladi. Bu mamlakatning iqtisodiy muhitiga boʻlgan ishonchni oshirishga yordam beradi. Oʻz navbatida, bu oʻsish va taraqqiyotni kuchaytirish uchun savdo va sarmoya oqimlarini yaxshilashga xizmat qiladi. Xalqaro savdo markazi (XSM) muzokaralarning o’tkazilishiga ko’maklashdi XSM 7-IG yigʻilishiga tayyorgarlik koʻrishda yordam berdi. U avvalgi IG yigʻilishida JST a'zolari tomonidan koʻtarilgan savollarga javoblarni tayyorlashga koʻmaklashdi. Bu navbatdagi IG yigʻilishi kun tartibi uchun asos boʻldi. XSM, shuningdek, Oʻzbekiston delegatsiyasining bir qancha rasmiy vakillarining koʻp tomonlama va ikki tomonlama muzokaralar raundlarida ishtirok etishiga koʻmaklashdi va IG yigʻilishini oʻtkazish doirasida rus tiliga tarjima xizmatlarini moliyalashtirdi. Delegatsiyaning Jenevaga tashrifi janob Urunovga IG yigʻilishidan keyin XSM ijrochi direktori Pamela Kok-Hamilton xonim bilan uchrashish imkoniyatini berdi. Ular Oʻzbekistonga kelajakda koʻrsatiladigan yordam ehtiyojlarini muhokama qildilar. XSM Oʻzbekistonning JSTga aʼzo boʻlish jarayoniga texnik va salohiyatni oshirish boʻyicha koʻplab tadbirlar orqali yordam bermoqda. Ushbu tadbirlar Yevropa Ittifoqi tomonidan “Oʻzbekistonning JSTga a’zo boʻlish jarayoniga koʻmaklashish” loyihasi doirasida moliyalashtiriladi. XSM, shuningdek, ushbu yigʻilish oldidan Oʻzbekistonning muzokaralar guruhiga texnik bilimlar nuqtai nazaridan ham koʻmaklashdi. Oktabr oyida ikki nafar mutaxassis muzokarachilarni tovarlar hamda xizmatlar bozorlariga kirish boʻyicha muzokaralarga tayyorlashga yordam berish uchun Toshkentga yoʻl oldi. Bu guruhni muzokaralarning ushbu muhim tarkibiy qismiga tayyorgarlik qilish uchun zarur boʻlgan bilimlar bilan ta’minladi.

31.07.2023 395

O‘zbekistonlik mansabdor shaxslar Yevropa Ittifoqiga eksport qilishda fitosanitar qoidalarni qanday qo‘llashni o‘rganmoqdalar

Texnik mutaxassislar fitosanitar xavfni tahlil qilish, pestitsidlardan foydalanish qoidalari bilan tanishdilar Savdoning kamdan-kam sohalari oziq-ovqat mahsulotlari importi qoidalari kabi murakkab, ammo iste'molchilar huquqlarini himoya qilish uchun muhim ahamiyatga egadir. Standartlar va talablar nozik muvozanatni - boshqa mamlakatlar eksportchilariga zarar yetkazuvchi haddan tashqari proteksionizmga yo’l qo’ymagan holda oziq-ovqat xavfsizligini ta’minlab berishi kerak. Insonlar, hayvonlar va o’simliklar uchun standartlarni savdoga zarar yetkazmagan holda ishlab chiqish qoidalari JSTning sanitariya va fitosanitariya choralarini qo'llash to'g'risidagi kelishuvida bayon etib berilgan. Ular, shuningdek, O'simliklarni himoya qilish bo'yicha xalqaro konvensiyada ko’zda tutilgan xalqaro standartlarga mos kelishi kerak. Oʻzbekistonlik texnik ekspertlar mamlakat JSTga aʼzo boʻlganida uning qoidalarini tadbiq qila olishlari uchun ushbu talablarning asosiy jihatlari boʻyicha amaliyot o’tadilar. Toshkentda bo’lib o’tgan 3 ta seminar “O‘zbekistonning JSTga a’zo bo‘lish jarayoniga ko‘maklashish” loyihasi doirasida Yevropa Ittifoqining moliyaviy ko’magida tashkil etildi. Ikkita seminar fitosanitar xavfini tahlil qilish (12-16-iyun kunlari) va pestitsidlardan foydalanish (19-23-iyun kunlari) mavzulariga bag’ishlandi. Seminarlarda O'zbekistondan eksport qilish uchun jozibador bozor bo'lgan Yevropa Ittifoqining qoidalari va amaliyoti diqqat markazida bo’ldi. Seminarlarda asosiy e’tibor guruhlarda amaliy ishlashga qaratildi. Fitosanitar xavfni tahlil qilish yordamida ishtirokchilar qovun va olcha pashshalari va anor mevasi zararkunandalari kabi zararkunandalar populyatsiyasini baholash uchun ssenariylarni ishlab chiqdilar. Shuningdek, ular pestitsidlarni ro'yxatdan o'tkazish tartib-taomillari va ularni sotish qoidalarini o'rgandilar. Shaffoflik asosiy ahamiyatga ega Uchinchi seminarda (20-24-iyun kunlari) SFS Milliy axborot almashish markazi (NEP) va Milliy xabar berish vakolatli organi (NNA) qanday tashkil etilishi va boshqarilishi ko’rsatib berildi. Bu tashkilotlarning tashkil etilishi JST a'zolari uchun majburiydir va ular SFS choralarining shaffofligini ta'minlaydi. NNA boshqa mamlakatlarni SFS choralariga kiritilgan o'zgarishlar haqida xabardor qiladi; NEP boshqa JST a'zolarining SFS choralari bo'yicha bo'lishi mumkin bo'lgan savollariga javob beradi.Sessiyada ishtirokchilar, shuningdek, JSTning SFS bo'yicha chora-tadbirlarni raqamli kuzatib borish imkonini beradigan yangi ePing platformasi bilan tanishdilar. O‘simliklar karantini va himoyasi agentligi, Sanitariya-epidemiologik osoyishtalik va jamoat salomatligi qo’mitasi hamda Veterinariya va chorvachilikni rivojlantirish davlat qo‘mitasi kabi O‘zbekistonning SFS masalalari bilan shug‘ullanuvchi idoralarining 38 nafar mansabdor shaxsi seminarlarda o’z bilimlarini oshirdi. Loyiha haqida XSM Yevropa Ittifoqining Oʻzbekistonning JSTga aʼzo boʻlish jarayoniga koʻmaklashish loyihasini amalga oshiruvchi hamkori hisoblanadi. Besh yillik tashabbus O‘zbekistonning JSTdagi muzokaralarini qo‘llab-quvvatlaydi va uning qoidalarini amalga oshirish uchun texnik ko‘nikmalarni rivojlantirishga yordam beradi. Loyihaning yakuniy maqsadi mamlakat iqtisodiy rivojlanishiga hissa qo'shishdan iboratdir.

19.07.2023 388

O‘zbekistonlik mansabdor shaxslar uchun Yevropa Ittifoqining mahsulotlar xavfsizligi qoidalari bo‘yicha seminar o‘tkazildi

Seminar eksportga mo‘ljallangan mahsulotlarga qo‘yiladigan texnik talablarni o‘rganishga yordam beradi. Ushbu chora-tadbirlar choynak va tosterlardan tortib to zanjirli arra va traktorlargacha bo‘lgan tovarlarning sifati va xavfsizligini kafolatlash maqsadida ularga qo‘yiladigan texnik talablarni o‘z ichiga oladi. Qadoqlash, markirovkalash va mahsulotdan foydalanish haqidagi ma’lumotlar savdodagi texnik to‘siqlar (STT) deb nomlanuvchi ba’zi notarif choralardir. JSTning STT bo‘yicha kelishuvi ana shu masalalarga bag‘ishlangan. O‘zbekistonning JSTga a’zo bo‘lishiga tayyorgarlik ko‘rish doirasida texnik reglamentlar bilan shug‘ullanuvchi mansabdor shaxslar Yevropa Ittifoqining STT qoidalariga amal qilish bo‘yicha seminarda ishtirok etdi.Seminar 20-22 iyun kunlari Toshkent shahrida boʻlib oʻtdi. Seminarda Yevropa Ittifoqining nooziq-ovqat mahsulotlari bo‘yicha asosi - Mahsulot xavfsizligi umumiy koʻrsatma (direktiva)si taqdim etildi. Seminar ishtirokchilari ushbu qonunchilik hujjatining eng soʻnggi tahririni qayerdan topish mumkinligini bilib oldilar. Muvofiqlikni baholash Keyingi sessiyalarda asosiy e’tibor Yevropa Ittifoqining muvofiqlikni baholash va iste’molchilarni himoya qilish uchun tezkor choralar ko‘rishni ta’minlaydigan Tezkor ogohlantirish veb-tizimi (Safety Gate - Xavfsizlik darvozasi)ga qaratildi. Seminarda, shuningdek, yuqori xavfli xususiyatlarga ega bo‘lgan mahsulotlar, xususan, mexanik va elektrotexnika tovarlari ko‘rib chiqildi.Trening Yevropa Ittifoqi tomonidan moliyalashtiriladigan Oʻzbekistonning JSTga aʼzo boʻlish jarayoniga koʻmaklashish loyihasi doirasida XSM tomonidan oʻtkazildi. Trening xususida bildirilgan fikr-mulohazalar ijobiy bo‘ldi. Ishtirokchilardan biri treningda Yevropa Ittifoqining qaysi talablari majburiy va qaysilari ixtiyoriy ekanligi ko‘rsatib o‘tilganini qimmatli deb topdi. Yana bir ishtirokchi Yevropa Ittifoqining texnik talablari haqida ma’lumot olish mumkin bo‘lgan materiallar va veb-saytlar to‘g’risida ma’lumot berilganini yuqori baholadi. STT masalalari bo‘yicha Jeneva, Bryusselga safar Loyiha doirasida, shuningdek, O‘zbekistonlik mansabdor shaxslar uchun safar ham tashkil etildi. Uch nafar mansabdor shaxs Jenevada bo‘lib o‘tgan STT qo‘mitasi yig’ilishida ishtirok etdi va Shveytsariyaning STT bo‘yicha Milliy axborot almashish markazi va Milliy xabar berish vakolatli organi vakillari bilan uchrashdi. Ular, shuningdek, Xalqaro standartlashtirish tashkiloti (ISO) va Xalqaro elektrotexnika komissiyasi (IEC)ga ham tashrif buyurishdi. Shundan so‘ng delegatsiya Bryusselga safar qildi. Delegatsiya u yerda Yevropa Ittifoqining Milliy axborot almashish markazi xodimlari bilan uchrashdi va ushbu tashkilot faoliyati bilan tanishdi. Toshkentdagi STT bo‘yicha trening ishtirokchilari.XSM fotosurati Loyiha haqida XSM Yevropa Ittifoqining “Oʻzbekistonning JSTga aʼzo boʻlish jarayoniga koʻmaklashish” loyihasini amalga oshiruvchi hamkori hisoblanadi. Ushbu tashabbus O‘zbekistonning JSTga a’zo bo‘lish bo‘yicha muzokaralariga ko‘maklashadi va uning qoidalarini amalga oshirish ko‘nikmalarini rivojlantirishga yordam beradi. Loyihaning maqsadi mamlakat iqtisodiy rivojlanishiga hissa qo‘shishdan iboratdir.