Jahon savdo tashkilotiga (JST) a'zo bo'lishning afzalliklari yaxshi ma'lum. A'zolik shaffof qoidalar va adolatli raqobat bozorlarga kengroq kirish imkonini beradi va iqtisodiy barqarorlik va bashorat qilish mumkin bo'lgan biznes muhitini ta'minlaydi. Bu iqtisodiy o'sishni rag'batlantiradigan global qiymat zanjirlariga investisiyalar va aloqalarni rag'batlantirishga yordam beradi.

Ammo JSTga a'zo bo'lgandan keyin biznes yengib o'tishi kerak bo'lgan tarkibiy o'zgarishlar sodir bo'ladi. JSTga a'zolik import raqobati, hukumat imtiyozlarini yo'qotish va ma'lum kasb turlarining yo'qolib ketishi bilan bog'liq qo'rquvlarni keltirib chiqaradi.

Tadbirkor ayollarga JST bilan bog'liq afzalliklar haqida ma'lumot berildi

Xalqaro savdo markazining (XSM) 22-25-noyabr kunlari bo'lib o'tgan missiyasi JSTga a'zolik masalasiga oydinlik kiritish va liberallashtirish oqibatlari haqidagi noto'g'ri tushunchalarga barham berishga qaratilgan edi. Yuqori maqomga ega bo'lgan ikki uchrashuv - biri investisiyalar va tashqi savdo vazirligi (ITSV) rasmiy xodimlari bilan, ikkinchisi esa biznes vakillari bilan bo'lib o'tdi.

Hukumat rasmiy vakillari uchun tashkil etilgan yalpi majlisda O'zbekiston tomonidan olib borilayotgan muzokaralar jarayoni haqida ma'lumot berildi. Tadbirda Qozog'iston kabi davlatlardan misollar keltirilgan holda JST qoidalari va jarayonlari ta'riflab berildi. JSTga a'zo bo'lish davlat tomonidan qo'llab-quvvatlashdan butunlay voz kechilishiga olib kelishi haqidagi qo'rquvga barham berish maqsadida subsidiyalash rejimlari va eksportni rag'batlantirish masalalari muhokama qilindi. Seminarda ITSV dan 24 nafar vakil ishtirok etdi.

Ikkinchi seminarda "ishbilarmon ayollar assosiasiyasi", Toshkent shahar "xotin-qizlar tadbirkorlik markazi" hamda bir qator mikro, kichik va o'rta biznes korxonalaridan 55 nafar tadbirkor ayoldan iborat bo'lgan tinglovchilarga qanday biznes imkoniyatlari ochilishi mumkinligi tushuntirib berildi.

Seminarda ishtirok etgan korxona egasi va tikuvchi Soima Tillaeva shunday dedi: "seminar menda juda yaxshi taassurot qoldirdi. Tushundimki, eksport qilinadigan mahsulotlar xalqaro standartlar talablariga javob berishi kerakligi sababli biz sifatni oshirish va mahsulot turlarini ko'paytirish orqali biznesimizni faol rivojlantirishimiz kerak ekan. Ushbu seminarda qatnashganimdan so'ng, xalqaro bozorlarga mahsulot yetkazib berish uchun biznesimni kengaytirish haqida o'ylab ko'rishim mumkin.

Sanitariya meyorlari va qoidalari to'g'risida ma'lumot

Missiya, shuningdek, eksportga mo'ljallangan qishloq xo'jaligi mahsulotlari sifati va xavfsizligi bilan shug'ullanuvchi hokimiyat organlari va laboratoriyalar bilan aloqalarni mustahkamlashga qaratilgan edi. JST doirasida ular JSTning SFS kelishuvi bilan tartibga solinadi. SFS sanitariya va fitosanitariya masalalarini, hayvonlar va o'simliklar salomatligi uchun texnik atamalarni anglatadi. Trening O'zbekistonning ushbu qoidalarga rioya qilishiga yordam berish uchun mo'ljallangan edi.

Birinchi treningda asosiy tushunchalarni ko'rib chiqish orqali muvofiqlik talablari-ilmiy asoslash, uyg'unlashtirish, xavf-xatarlarni baholash va shaffoflik-qaytarildi. Seminarda O'zbekiston JST qoidalariga moslashishdagi qiyinchiliklarni yengib o'tishda texnik yordam hamda maxsus va differentsiallashgan rejim tamoyilidan qanday foyda olishi mumkinligi tushuntirib berildi.

Eksport sifati bo'yicha ikkinchi texnik seminar standartlar va texnik reglamentlarga bag'ishlandi. Ushbu seminarda standartlashtirishni o'rnatadigan va amalga oshiradigan milliy sifat infratuzilmasi ko'rib chiqildi. Turli laboratoriyalarning 38 nafar vakili qishloq xo'jaligi mahsulotlarining xalqaro standartlarga muvofiqligini sinovdan o'tkazish va sertifikatlash bo'yicha o'qitildi.

Abdurauf Yusubahmedov, veterinariya qo'mitasining laboranti, shunday dedi: "seminar juda yaxshi o'tdi va foydali ma'lumotlarga boy bo'ldi. Seminar davomida men standartlar, texnik reglamentlar, metrologiya va akkreditasiya haqida qo'shimcha ma'lumotlar oldim. Bu yangi bilimlarni mening faoliyatimda qo'llash mumkin. Tashkilotchilarga katta rahmat".

Kelgusida qo'llab-quvvatlash uchun asos yaratish maqsadida texnik reglamentlar uchun mas'ul bo'lgan ixtisoslashtirilgan agentliklar, sifat nazorati laboratoriyalari va davlat sog'liqni saqlash idoralari bilan qo'shimcha uchrashuvlar ham o'tkazildi.

Bu agentliklar o'simliklar karantini va himoyasi agentligi, sanitariya-epidemiologik osoyishtalik va jamoat salomatligi xizmati, veterinariya va chorvachilikni rivojlantirish davlat qo'mitasi hamda texnik jihatdan tartibga solish agentligi edi.